Torero

Tu pierde 'o tiempo 'ncopp' 'e giurnalette
e màmmete minaccia
e pàtete s'arraggia.
Te fanno girà 'a capa sti fumette,
guardonnete 'int' 'o specchio
vuoi fare il toreador
comme fanno a Santafè
come fanno ad "Ollivud"
e cu' sta scusa, ai nì, nun studie cchiù!...
Oh! Torero!
Te si' piazzato 'ncapo stu sombrero,
dice che si' spagnuolo e nun è overo,
che nacchere 'int' 'a sacca vai a ballà
mescolando bolero e "cià-cià"... chi vuò 'mbroglià!...
Torero!...
Cu' sti basette a' sud americano,
cu' 'nu sicario avana e 'a cammesella 'e picchè!...
Torero!...
Torero!...
Olè!...
Te fatto 'a giacchettela corta, corta,
'o canzunciello astritto
e 'o ricciulillo 'nfronte.
Te ride 'a gente areto e nun te 'mporta,
ti senti un Marlon Brando
che a spasso se ne va
per le vie di Santafè,
per le strade di Ollivud
e 'a 'nnammurata toia nun te vò cchiù!...
Oh! Torero!...
E levatillo 'a capo stu sombrero,
nun si' spagnuolo e non su' caballero...
Sti nacchere tu nun 'e saie sunà
e sti nacchere tu che ne 'a fa?... Belle 'e mammà!...
Torero!
Cu' sti basette a' sud americano,
cu' 'nu sicario avana e 'a cammesella 'e picchè!...
Torero!...
Torero!...
Olè!...