Speranzella

Ce sta 'na speranzella
nascosta dint' 'o core
ca tu rituorne dint' a cheste braccia
comme ajere
si m' haje voluto bene
si nun me so' sbagliato
è troppo 'nu peccato
si nun ce vedimmo cchiù
t'aspetto tutt' 'e ssere
ammore a tradimento
te cure sempe 'e tutte quante
e nun te cure 'e me.
Ma 'mpietto amme ce sta 'na speranzella
ca tu rituorne ancora
me cade 'mbraccio e nun te ne vaje cchiù
'na speranzella doce e appassiunata comm' a tte
ca nun se fa tuccà
ca nun se move 'a cà.
Si nun te stò vicino
è colpa 'e tutt' e dduje
pecchè 'o destino ce 'o facimmo
sulamente nuje
Parlavo 'e te stasera
'n amico t'ha 'ncuntrata
m'ha ditto ca te si' sciupata
e ca nun mange cchiù
Me mancano 'e pparole
me manca 'a fantasia
io saccio sulamente
ca si' tutt' 'a vita mia.
E 'mpietto a mme ce sta 'na speranzella
ca tu rituorne ancora
me cade 'mbraccio a nun te ne vaje cchiù
'na speranzella doce e appassiunata comm' a tte
ca nun se fa tuccà
ca sbatte 'e piede nun se move 'a ccà.